ပဲတီစိမ်း အထွက်တိုးရန် ပန်းပွင့်ပြီးချိန် နိုက်ထရိုဂျင်ဓာတ်၏ အရေးပါမှု

          မြန်မာနိုင်ငံတွင် ပဲမျိုးစုံ သီးနှံကို ဧက ၁၀ သန်း နီးပါး စိုက်ပျိုး ပါသည်။ ၎င်းတို့ အနက် ပဲတီစိမ်း စိုက်ဧကသည် အများဆုံး ဖြစ်သည်။ ပဲတီစိမ်းသည် ပြည်ပပို့ ကုန်တွင်လည်း အားကိုးရပြီး ပြည်တွင်း စားသုံးမှု အတွက်လည်း အားထားရသော သီးနှံ ဖြစ်သည်။ ပဲတီစိမ်းသည် တစ်နိုင်ငံလုံး ပျမ်းမျှ အထွက်နှုန်းမှာ ရှစ်တင်းမှ ၁၀ တင်းသာ ရှိသည်။ ပဲတီစိမ်းသည် စနစ်တကျ စိုက်ပျိုး ပြုစု ထိန်းသိမ်းနိုင်ပါက အလားအလာ ရှိသော သီးနှံ ဖြစ်သည်။ ပဲတီစိမ်း အထွက် တိုးအောင် ဆောင်ရွက်နိုင်ပါက ပြည်ပပို့ကုန် တိုးမြှင့်ရန် အလားအလာကောင်း ရှိသည်။ 

       ပဲတီစိမ်း အထွက်တိုးရန် အထွက်နှုန်း မိတ်ဘက် အချက်များကို စွမ်းရည် ပြည့်ဝအောင် ဆောင်ရွက် ပေးခြင်းသည်လည်း အရေးပါမှုတစ်ခု ဖြစ်သည်။ တစ်ဧကတွင် ရိတ်သိမ်း အပင်ပေါင်း ၁၃၀,၀၀၀ ပင် ရှိအောင် စိုက်ပျိုး ရမည်ဖြစ်သည်။ သီးကိုင်း တစ်ကိုင်းတွင် အတောင့်ပေါင်း ခြောက်တောင့်မှ ရှစ်တေင့်ရရှိအောင် ထိန်းသိမ်းရမည် ဖြစ်သည်။ တစ်တောင့်တွင် အစေ့ပေါင်း ၁၀ စေ့မှ ၁၂ စေ့ရရှိအောင် ဂရုစိုက် ဆောင်ရွက်ရမည် ဖြစ်သည်။ ပဲတီစိမ်း မျိုးစေ့ တစ်တင်းလျှင် အစေ့ပေါင်း ခြောက်သိန်းကျော်ခန့်ရှိရာ ပဲတီစိမ်း တစ်ဧကလျှင် တင်း ၂၀ ထွက်ရှိရန် အတွက် ပဲစေ့ပေါင်း သိန်း ၁၂၀ ကျော်ခန့် ရရှိရန် လိုအပ်ပါသည်။

    ပဲတီစိမ်း သီးနှံတွင် ဤကဲ့သို့ လိုအပ်သည့် ပဲစေ့ အရေအတွက် ရရှိရန်မှာ အထွက်နှုန်း မိတ်ဘက် အချက်များ အပေါ် နိုက်ထရိုဂျင်ဓာတ်၏ လိုအပ်ချက်က လွှမ်းမိုး နေပါသည်။ ပဲတီစိမ်းကို စိုက်ပျိုးပြီး ခုနစ်ရက်မှ ၁၀ ရက်ကြာပါက အပင်ပေါက်စုံ ပါသည်။ အပင်၏ဇီဝကမ္မ အရ အပင်ကြီးထွားမှု ကာလ၊ ပန်းပွင့်ပြီး သန္ဓေအောင်သည့် ကာလ၊ ပဲတောင့် ပဲစေ့ ကြီးထွား ဖွံ့ဖြိုးမှု ကာလ၊ ရင့်မှည့်ရိတ်သိမ်းသည့် ကာလဟူ၍ ခွဲခြား ထားသည်။ ပဲပင်၏ ကြီးထွားဖွံ့ဖြိုးမှု ကာလ အဆင့်ဆင့် အလိုက် အာဟာရဓာတ် များနှင့် အစိုဓာတ်လိုအပ် ပါသည်။

     လိုအပ်သော အာဟာရ ဓာတ်များ ပြည့်စုံစွာ ထည့်ပေးနိုင်မှသာ ပဲပင်သည် သန်မာကြီးထွား ဖွံ့ဖြိုးပြီး အောင်မြင်သော ပဲတောင့်၊ ပဲစေ့ များကို များများ ထုတ်လုပ် ပေးနိုင်မည် ဖြစ်ပါသည်။ ပဲတီစိမ်းသည် စိုက်ပျိုးပြီး ခြောက်ပတ်မှ ရှစ်ပတ်ကြာလျှင် ပန်းစပွင့် ပါသည်။  ပန်းမပွင့်မီ ရက်အလိုက် ညနေဘက်တွင် အငုံထဲ၌ ၀တ်မှုန်အိတ်၊ ၀တ်မှုန်များရင့်၍ အက်ကွဲပြီး ၀တ်မှုန်များထွက်၍ အပွင့်ထဲ၌ပင် မျိုးကူးစပ် သန္ဓေအောင်ပါသည်။ လုံးဝ ပင်တည်းဝတ်မှုန်ကူးသောမျိုး ဖြစ်ပါသည်။ ပွင့်အာခြင်း မရှိဘဲ ၀တ်မှုန်ကူးသည့် ပန်းပွင့်မှာ ရာခိုင်နှုန်း၄၀ ကျော် ရှိပါသည်။ ပဲတီစိမ်းသည် ပန်းစတင်ပွင့်သည်မှ ပဲတောင့်ရင့်သည်ထိ ရက် ၂၀ မှ ရက် ၃၀ ထိကြာပါသည်။

     ဤ ကာလတွင် နိုက်ထရိုဂျင်ဓာတ် မလုံလောက်ပါက ပန်းပွင့် ရက်တို သွားပြီး ပဲထွက်လည်း ကျစေပါသည်။ ပဲမျိုး များသည် ပန်းပွင့်ရက်ကြာလေလေ အထွက်ကောင်းလေလေဖြစ်ပါသည်။ ပဲတီစိမ်း ပန်းပွင့် ပွင့်ပြီး သန္ဓေအောင် ပါသည်။ သန္ဓေအောင်ပြီးလျှင် ၎င်းသန္ဓေလေးမှ အတောင့်နုကလေး စတင် ဖြစ်ပေါ် ပါသည်။  အတောင့်နု ကလေးသည် တဖြည်းဖြည်း ရှည်ထွက်လာပြီး အတောင့် ထဲတွင် ပဲစေ့ ဖြစ်လာမည့် ချိုရည်ကြည်များ ဖြစ်ပေါ်ပါသည်။ ပဲတောင့် ကြီးထွားလာသည် နှင့်အမျှ ပဲစေ့များသည်လည်း နို့ရည်ကြည်၊ နို့ရည်ပြစ်၊ နို့ရည်ခဲ၊ နောက်ဆုံး ပဲစေ့ အဖြစ် အောင်မြင်လာပါသည်။ ဤသို့ ပဲတောင့် တစ်စတစ်စ ကြီးထွားဖွံ့ဖြိုးလာရန်နှင့် ပဲစေ့လေးများ တဖြည်းဖြည်း ကြီးထွား ဖွံ့ဖြိုးလာရန်အတွက် အပင် တစ်ပင်လုံးမှ ချက်လုပ်သော အစာ၏ ရာခိုင်နှုန်း ၆၀မှ ၇၀ ကို အသုံးချသည်။

        အစာ အလိုအပ်ဆုံး အချိန်ဖြစ်သည်။ အစာချက် လုပ်ရန် တာဝန်ရှိသော အရွက် များသည် စိမ်းစို ကျန်းမာနေရန် လိုသည်။ မြေတွင်း အစိုဓာတ်နှင့် အာဟာရဓာတ် (နိုက်ထရိုဂျင်) လုံလောက်စွာရှိရန် လိုသည်။ အရွက်များဝါ၍ အစိုဓာတ်နှင့် အာဟာရဓာတ် ချို့တဲ့ပါက ပဲတောင့်လည်း သေးမည်၊ လုံးပိန် လုံးညှပ် အစေ့များလည်း ဖြစ်ပေါ် စေသည်။ စပါး၊ ပြောင်း၊ သီးနှံတို့သည် တစ်စေ့ တစ်ဂရမ်ရရှိစေရန် နိုက်ထရိုဂျင်ဓာတ် ၁၅ ဂရမ် လိုအပ်သည်။ ပဲတီစိမ်းအစေ့ တစ်ဂရမ် ရရှိစေရန်အတွက် နိုက်ထရိုဂျင်ဓာတ် ၃၉ ဂရမ် လိုအပ်သည်။ သီးနှံများတွင် အစေ့ အတွက် နိုက်ထရိုဂျင်ဓာတ် လိုအပ်ချက် သည် ပဲတီစိမ်းသည် အများဆုံးဖြစ်သည်။

       စပါး သီးနှံတွင် အစေ့တွင်းသို့ ပရိုတိန်းဓာတ် ရှစ်ရာခိုင်နှုန်းမှ ၁၀ ရာခိုင်နှုန်း ဖြည့်တင်းပြီးပါက ၎င်း၏တာဝန် ပြီးဆုံးသည်ဟု သတ်မှတ်သည်။ ပဲတီစိမ်းသည် ပန်းပွင့်ပြီး ပရိုတိန်းဓာတ် ၂၅ ရာခိုင်နှုန်းမှ ၃၅ ရာခိုင်နှုန်း ဖြည့်တင်းပြီးမှသာ ၎င်း၏ တာဝန်ပြီးဆုံးသည်။ သို့အတွက် ပဲတီစိမ်း ပန်းပွင့်ချိန်၊ သန္ဓအောင်ပြီးချိန်တွင် နိုက်ထရိုဂျင် အလိုအပ်ဆုံး အချိန် ဖြစ်သည်။ ပဲတီစိမ်း အပင်မှ တစ်ရက်လျှင်ပဲစေ့ ၅၀ ကီလိုဂရမ် ထုတ်လုပ်နိုင်ရန် အတွက် တစ်ရက်လျှင် နိုက်ထရိုဂျင် ဓာတ်သုံး ကီလို ဂရမ် လိုအပ်ပါသည်။ မြေကြီးထဲတွင် နိုက်ထရိုဂျင်ဓာတ် လုံလောက်နေစေကာမူ ပဲပင် သို့ နိုက်ထရိုဂျင်ဓာတ် တစ်ရက် ၁ ဒသမ ၂ ကီလိုဂရမ်သာပေးပို့နိုင်သည်။ ပဲပင်၏အမြစ်များတွင် ပဲပင်အတွက် နိုက်ထရိုဂျင် အားဖြည့်ပေးမည့် ရိုဇိုဘီယမ်း ဘက်တီးရီးယားများသည် အဖုကလေးများ သဖွယ် တွယ်ကပ်နေသည်။ ပဲပင်မှအစာကို စုပ်ယူ၍ အသက်ရှင်သန်သည်။ ထို့နောက် လေထဲမှ နိုက်ထရိုဂျင်ဓာတ်ကို ဖမ်းယူ၍ ပဲပင်ကို ပို့ပေးသည်။ ရိုဇိုဘီယမ်း ဘက်တီးရီးယား များသည် ပဲပင်သက်တမ်း တစ်လျှောက် လေထဲမှ နိုက်ထရိုဂျင်ဓာတ် ဖမ်းယူ၍ နိုက်ထရိုဂျင် နှစ်ကီလိုဂရမ် ပဲပင်သို့ ပို့ပေးသည်။

       ရိုဇိုဘီယမ်း ဘက်တီးရီးယားများ၏ လေထဲမှ နိုက်ထရိုဂျင်ကို စုပ်ယူ၍ ပဲပင်သို့ ပေးပို့ခြင်း လုပ်ငန်းကို ပန်းမပွင့်မီ အချိန်ထိသာ လုပ်ဆောင် ပေးသည်။ ပန်းပွင့်ပြီး နောက်ပိုင်းတွင် ရိုက်ဇိုဘီယမ်း ဘက်တီးရီးယားများ သေကြေ ပျက်စီး သွားကြသည်။ ပဲပင်ပန်းပွင့်ပြီးချိန်တွင် အပင်၏ အစာပေးပို့မှုသည်လည်း အပင် အပေါ်ပိုင်း သို့သာ ပေးပို့မှုများပြီး အပင် အောက်ပိုင်းသို့ အစာပေးပို့မှု နည်းသွားပါသည်။ ဤ အကြောင်းရင်းကြောင့်လည်း ရိုဇိုဘီယမ်း ဘက်တီးရီးယားများ ပဲပင်မှအစာကို မရရှိ ကြတော့သဖြင့် သေကြေ ပျက်စီးရခြင်း ဖြစ်သည်။

       ပဲပင် ပန်းပွင့်ပြီး နောက်ပိုင်းတွင် ပဲပင်၏ အောက်ပိုင်းရှိ သုံးပုံ တစ်ပုံခန့်သော အရွက်များသည် ရင့်ရော်၍ ၀ါပြီးကြွေကျ သွားကြသည်။ အပင်တွင် အပင်အတွက် အစာချက်လုပ်ပေးမည့် အရွက် အရေအတွက်လည်း လျော့ပါးသွားရပြီဖြစ်သည်။ ပဲတီစိမ်းပင်တွင် နိုက်ထရိုဂျင်ဓာတ် အပြင် နောက်တစ်ခု အရေးပါသည့်ဓာတ်မှာ ဘိုရွန်ဓာတ်ဖြစ်ပါသည်။ မြန်မာ့မြေ များသည် အများအားဖြင့် ဘိုရွန်ဓာတ်ချို့တဲ့ တတ်ပါသည်။ မြေကြီး တစ်ကီလိုဂရမ်တွင် ဘိုရွန်ဓာတ် ငါးမီလီဂရမ်သာ ပါဝင်သည် ကိုတွေ့ရှိရသည်။ မြေကြီး၏ ဏံ မြင့်ပါက ဘိုရွန်သည် မြေတွင်တွယ်ကပ်နေ၍ အပင် က စုပ်ယူ၍ မရရှိနိုင်ပါ။ မြေကြီးတွင် ဏံနိမ့် ပါက ရေစီးနှင့်မျောပါသွားတတ်သဖြင့် ဘိုရွန်ဓာတ် ချို့တဲ့တတ်ပါသည်။

ဘိုရွန်ဓာတ် လုံလောက်မှု ရှိပါက အရွက်ကြွေမှု ကာကွယ်သည်၊ ၀တ်မှုန်ရှည်ထွက်မှု ကောင်းသည်။ သီးတောင့်၊ အစေ့ အောင်နှုန်း များစေသည်။ ဘိုရွန်ဓာတ်ချို့တဲ့ပါက ပရိုတိန်း တည်ဆောက်မှု နည်းပြီး အပွင့်အသီး ကြွေကျမှုများ စေသည်။ ၀တ်မှုန် ရှင်သန်မှု

ကာလ တိုတောင်းစေသည်။ ပန်းပွင့်ပြီး သီးတောင့်တည်ချိန်တွင် ယူရီးယား မြေသြဇာ တစ်ဇွန်း၊ ဘိုရွန်(လဲချား) ၄ ၁/၂ ဇွန်း အမှုန့်ထောင်း၍ ရေ ဂါလံ ၂၀ နှင့် ရောဖျော်ပြီး ဖျန်းပေးနိုင်ပါက လုံလောက်ပါသည်။ ဘိုရွန်ဖျန်း ပေးခြင်းဖြင့် ပဲတီစိမ်းတွင် ၂၅ ရာခိုင်နှုန်း အထွက်တိုးသည်ဟု သုတေသနက ထောက်ခံထား ပါသည်။

      ပဲတီစိမ်း ပန်းပွင့် ပွင့်ပြီး သန္ဓေအောင်ပြီး အတောင့်များ အဆင့်ဆင့်ကြီးထွားဖွံ့ဖြိုးဖြစ်ပေါ်ချိန်နှင့် အစေ့များ အဆင့်ဆင့် ကြီးထွားဖွံ့ဖြိုးမှုဖြစ်ပေါ်ချိန် နိုက်ထရိုဂျင်ဓာတ် အလိုအပ်ဆုံးအချိန်တွင် နိုက်ထရိုဂျင် ဖြည့်တင်းပေး နေသည့် ရိုဇိုဘီယမ်း ဘက်တီးရီးယားများကလည်း သေကြေ ပျက်စီး ကြသည်။ ပဲတောင့်၊ ပဲစေ့များ၏ ကြီးထွားဖွံ့ဖြိုးမှု အတွက် အစာချက်လုပ် ပေးပို့ရမည့် အရွက်သုံးပုံ တစ်ပုံမှာလည်း ရင့်ရော်ကြွေကျ ကုန်ကြသည်။ ထိုအချိန်တွင် ပဲတောင့်၊ ပဲစေ့များ ကြီးထွားဖွံ့ဖြိုးရန်အတွက် လိုအပ်နေသော အစာအာဟာရ (နိုက်ထရိုဂျင်ဓာတ်)ကို ဖြည့်စွက်မပေးနိုင်ပါက ပဲတောင့်၊ ပဲစေ့ လုံးပိန်လုံးညှပ်သာ ရမည်ဖြစ်သည်။ သို့ပါ၍ ပဲတီစိမ်းပန်းပွင့် ပွင့်ပြီး ချိန်တွင် နိုက်ထရိုဂျင်ဓာတ် အချိုးများပါသော ရွက်ဖျန်းမြေသြဇာကို မဖြစ်မနေ သုံးကြိမ်ခန့် ပက်ဖျန်းပေးရန် လိုအပ်ကြောင်း တိုက်တွန်း လိုက်ရပါသည်။

- အောင်ဆန်း (စိုက်ပျိုးရေး) မြန်မာတောင်သူကြီးများဂျာနယ်