နဂါးမောက်စိုက်ပျိုးခြင်း - ဦးကျော်နိုင်

ကိုယ်တိုင် စိုက်ပျိုးရာမှ ရရှိသော အတွေ့အကြုံများကို စာဖတ်သူတို့ သိရှိစေရန် ပြန်လည် ဝေမျှထားသော ဆောင်းပါးကောင်း တစ်ပုဒ် ဖြစ်ပါသည်။

နဂါးမောက်သီးသည်  အရွက်မရှိ၊ ပင်စည်တွင်အစာနှင့် ရေ သိုလှောင် ထားနိုင်သော တွယ်ကပ်ပင် အမျိုးအစား ဖြစ်ပါသည်။ နဂါးမောက်ပင်ကို အလှစိုက်ရန် အဖြစ်စိုက်ပျိုးကြ သလိုအသီးရရန် လည်းစိုက်ပျိုး လာကြ ပါသည်။ နဂါးမောက် သီးတွင်တောက်ပသော အနီရောင် အခွံပျော့ရှိပြီး အစိမ်းရောင် ရွက်ဖတ်များ ပါဝင်သည်။  အစိမ်းရောင် ရွက်ဖတ်သည် အသီး ရင့်မှည့် ပါကအနီရောင် သို့အသီးခွံပျော့နှင့် အတူပြောင်းလာမည်။

အသီး၏ အတွင်းသား အရောင်မှာ အဖြူ၊ ကြက်သွေး၊ ခရမ်းရင့်၊ အနီ၊ အသားရောင် များဖြစ်လေ့ရှိကာ အနက်ရောင် အစေ့ငယ်များ ပါဝင်ပါသည်။ နဂါးမောက်ပင်၏ အပွင့်မှာ အလွန်လှပပြီး ညတွင်ပွင့်သောကြောင့် ည၏ ဘုရင်မပန်း ဟုပင် တင်စား ခေါ်ပါသည်။

အရည်ရွှမ်းသော အသီးသည် စားသုံးရန် အရသာ ရှိသော အသီး တစ်ခု ဖြစ်ပါသည်။ နဂါးမောက်သီးပင်နှင့် နဂါးမောက်သီး ထုတ်လုပ် ခြင်းကို စားသုံးသီးနှံ အသစ် တစ်ခု အဖြစ် ဩစတေးလျ၊ တရုတ်၊ အစ္စရေး၊ မလေးရှား၊ နီကာရာဂွာ၊ ထိုင်ဝမ်နှင့် ဗီယက်နမ်နိုင်ငံများတွင် စီးပွားဖြစ်စိုက်ပျိုးခြင်း ၊နိုင်ငံခြားသို့ တင်ပို့ ရောင်းချခြင်းပြုလုပ် ပါလာ ပါသည်။ဗီယက်နမ် နိုင်ငံတွင် နဂါးမောက်သီး စိုက်ပျိုး ရောင်းချ ခြင်းကို ဒူးရင်းသီး စိုက်ပျိုးခြင်းထက်ပိုမို တွင်ကျယ်၍ စီးပွား ကိုက်အောင် စိုက်ပျိုးလာနိုင် ခဲ့ပါသည်။ နဂါးမောက်ပင် စိုက်ပျိုးရာတွင်အပင် တွယ်တက်ရန် တိုင်နှင့်တန်းများ၏ တန်ဖိုးကြောင့် အရင်းအနှီး ကြီးသည်ဟုပြောနိုင် သော်လည်း မိမိ ပတ်ဝန်းကျင်တွင် လွယ်ကူစွာ နှင့်ဈေးချိုစွာ ရနိုင်သော သစ်ဝါးကို အသုံးပြု၍ စိုက်ပျိုးပါက အရင်း အနှီးမများလှဘဲ စတင် စိုက်ပျိုးနိုင်ပါသည်။

သစ်၊ဝါးကို အသုံးပြု၍ စာရေးသူ စိုက်ပျိုးထားသော အထက်ပါ ပုံများကိုလေ့လာနိုင်ပါသည်။ နဂါးမောက်ပင်ကို အထူးတလည် ဂရုစိုက် စရာမလိုဘဲ လွယ်ကူစွာ စိုက်ပျိုးနိုင်ခြင်း ၊ပြုစုစောင့်ရှောက်မှု နည်းခြင်းနှင့်ရောဂါပိုးမွှား ဒဏ်ခံနိုင်ခြင်း တို့ကြောင့် စီးပွားဖြစ် စိုက်ပျိုးသင့်သော သီးစားပင် တစ်ခုဖြစ်ပါသည်။ နဂါးမောက်သီးပင်သည် အပင်သက်တမ်း အနှစ် (၂၀) ခန့်ရှိပြီး တစ်ဧကတွင် အပင်(၁၆၀၀) မှ (၅၀၀၀) စိုက်ပျိုးနိုင်ပါသည်။ အကြမ်းအားဖြင့် နဂါးမောက်ခြံ တစ်ဧကလျှင် အသီး(၁၀)တန် ခန့်ရရှိပါမည်။ စိုက်ပျိုးပြီး (၈) လကျော်လျှင် နဂါးမောက်သီး စတင်သီး လာမည်ဖြစ်ပါသည်။

စွမ်းအားပြည့်သီးပွင့် လာစေရန် အတွက်အပင် သက်တမ်းနှစ်နှစ်မှ ငါးနှစ် ကြာပါသည်။ နဂါးမောက်သီးပင် ကိုနွားချေး ၊မြေဆွေး စသည့် ပတ်ဝန်းကျင်တွင် လွယ်ကူစွာ ရနိုင်သောအော်ဂဲနစ်မြေဩဇာ သုံး၍ စီးပွားဖြစ်စိုက်ပျိုး နိုင်ပါသည်။ နဂါးမောက် သီးပင်သည်နိုင်ထရိုဂျင် လိုအပ်မှု နည်းသောကြောင့်နောင် တွင်တွင်ကျယ် လာမည့်စီးပွားရေး အရအလားအလာ ကောင်းသော သီးစားပင် ဖြစ်လာ နိုင်ပါသည်။

နဂါးမောက် သီးပင်မျိုးကွဲ များစွာ ရှိသော်လည်း စာရေးသူ အနေနှင့် အတွင်းသား အဖြူရောင် နှင့်အနီရောင် နှစ်မျိုးကိုသာ အဓိက ဆွေးနွေး သွားပါမည်။ နဂါးမောက်ပင်ကို လေ့လာ ရာတွင် သုံးထောင့်ပုံပင်စည်၊ ပင်လုံးရှိပြီး အဖြူရောင် ပန်းပွင့် ရှိပါသည်။

စားသုံးနိုင်သော နဂါးမောက်သီးပင်၏ ပင်စည်၊ ကိုင်း၊ အပင်၏သဘာဝ၊ အသီး၏အရောင်နှင့် အသီး အတွင်းအသား၏ အရောင်ကို မူတည်၍ခွဲခြား လေ့လာ နိုင်ပါသည်။ နဂါးမောက်သီးဟု လွယ်ကူစွာခေါ်သလိုနိုင်ငံ အလိုက်လူမျိုး အလိုက်အခေါ် နာမည်များကွဲပြား ခြားနား ပါသည်။

နဂါးမောက်ပင်။ ။ အပေါက်မြန် ကြီးထွားသော တွယ်ကပ်ပင် ဖြစ်သည်။ အများအားဖြင့် သုံးထောင့်ပုံ ပင်စည် ကို ရှားပါးစွာ တွေ့ရတတ် ပါသည်။ ပင်စည်မှ အကိုင်း၊ အခက်၊ အတက် ခွဲများ ထွက်နေ သည်ကို တွေ့ရပါမည်။ အကိုင်း၊ အခက်၊ ပင်စည်မှ အမြစ်ပွားများ ထွက်လာပြီး ယင်းအမြစ်ပွား များက တွယ်ကပ်၍ ရသော သစ်ပင်၊ ကျောက်နံရံ စသည် အသင့် အတင့် စွတ်စိုသော မှီတွယ် စရာကို မှီတွယ်၍ တက်ပါသည်။

နဂါးမောက်ပန်းပွင့်။ ။ သုံးခုမှ ငါးခု ပါသော အဖူးတို့သည် ပင်စည်မှ တိုက်ရိုက် ထွက်လာပါသည်။

ယင်းအဖူး တို့သည် (၁၃) ရက်ခန့်တွင် ပန်းဖူးများ အဖြစ် ပြောင်းလဲ သွားပါမည်။ အစိမ်းရောင် ဖျော့ဖျော့ ပန်းဖူး တို့သည် တစ်ဆယ့် ခုနှစ်ရက်ခန့် အကြာတွင် နှစ်ဆယ့်ရှစ် စင်တီမီတာ (၁၁ လက်မခန့်) ခန့်သို့ ရောက်ရှိ မည် ဖြစ်ပါသည်။ ပန်းပွင့်တို့ သည် ညနေ (၆)နာရီ မှစ၍ လျှင်မြန်စွာ ပွင့်လာပြီး ည(၁၀)နာရီခန့် တွင် အစွမ်းကုန် ပွင့်ပါမည်။ နောက်နေ့ည (၂) နာရီခန့် တွင် ပန်းပွင့် ဝတ်မှုန် ကူးပြီး ပန်းပွင့် ညှိုးပိတ် နေပါမည်။ ပတ်ဝန်းကျင် ရာသီဥတု အပူချိန်၊ အလင်းရောင် ပန်းပွင့်ခြင်းကို ဩဇာ သက်ရောက် ပြောင်းလဲ စေနိုင် ပါသည်။ ပူနွေး၍ တိမ်သာသော နေ့တွင် ညနေ (၄)နာရီခန့် တွင် ပန်းပွင့်နိုင် သလို အေးမြသော ရာသီဥတုတွင် ပန်းပွင့်ဖက် များ ညှိုးပိတ်ခြင်းကို နေ့ခင်း (၁)နာရီခန့် အထိ တွေ့နိုင် ပါမည်။ ညတွင် ပန်း ပွင့်ခြင်း ဖြစ်သော်လည်း ပန်းဝတ်မှုန် ကူးခြင်း ညတွင် မဖြစ်ခဲ့ပါက နောက်နေ့ နံနက် အထိ ပန်း ဆက်လက် ပွင့်နေမည် ဖြစ်ပါသည်။ ပန်းပွင့် အဖူး မှ ပန်းပွင့် သည် အထိ (၂၅-၃၅) ရက်ခန့် ကြာတတ် ပါသည်။ စာရေးသူ၏ နဂါးမောက်ခြံတွင် ဧပြီလမှ နိုဝင်ဘာလ အထိ နဂါးမောက်ပန်းများ ပွင့်ပါသည်။ ဒီဇင်ဘာလ အအေးပေါ့သော ကာလ (ကျွန်တော့်ခြံ နေရာနှင့် နှိုင်းယှဉ် ပြောပါသည် ) တွင်လည်း အနည်းငယ် သီးပွင့် တတ်ပါသည်။

ပန်းဝတ်မှုန်ကူးခြင်း။ ။သစ်သီးများ ကြီးထွား အောင်မြင် စေရန် ဝတ်မှုန် ကူးခြင်းသည် အလွန် အရေး ကြီးသည်။ နဂါးမောက် ပန်းပွင့် တို့သည် ညတွင် ပွင့်သောကြောင့် ညတွင် သွားလာ နေသော အင်းဆက်၊ တိရိစ္ဆာန်ငယ် များကြောင့် ဝတ်မှုန်ကူးခြင်း အောင်မြင် နေရပါသည်။ စာရေးသူ၏ ခြံတွင် သီးနှံ အသစ် အဖြစ် စိုက်ပျိုး ရာတွင် သဘာဝ အလျောက် ဝတ်မှု ကူးခြင်း အောင်မြင်မှု သင့်တင့်အောင် ရှိပါသည်။ သို့သော် ဝတ်မှုန်ကူးခြင်း အားလုံး အောင်မြင်ရန်မှာ လူနှင့် ဝတ်မှုန် ကူးခြင်း ပြုလုပ် ပေးရ မည်ကို အလေးအနက် ထား၍ စဉ်းစား ရပါမည်။ ပျားမွေးမြူခြင်းကို တွဲဖက် ပြုလုပ် ပါက ဝတ်မှုန်ကူးခြင်း အလုပ်ကို ပျားများက တာဝန်ယူ သွားမည် ဖြစ်ပါသည်။

"ပင်တည်း ဝတ်မှုန် ကူးခြင်းထက် ပင်ခြား ဝတ်မှုန် ကူးခြင်းက သာလွန် ကောင်းမွန်သော အသီးများ ရနိုင်သဖြင့် နဂါးမောက် အဖြူသီး နှင့် အနီရောင် အသီး မျိုးပင် တို့ကို သင့်တင့်စွာ ရော၍ စိုက်ပေး ထားသင့် ပါသည်။"

နဂါးမောက်အသီးသီးခြင်း။ ။နဂါးမောက်သီး အရွယ်အစား ကြီးသည် ဖြစ်စေ၊ အလယ် အလတ်စား ဖြစ်စေ၊ ပုံသဏ္ဍာန်မှာ ကြက်ဥကြီး၊ ဘဲဥကြီး အဝိုင်းပုံနှင့် ပွင့်ဖက်ချပ် များ ပါဝင်သည်။ အသီးအရောင်မှာ အနီရောင် ဖြစ်ပါသည်။ အသီး၏ အတွင်း အသား ရောင်မှာ အဖြူရောင် သို့မဟုတ် အနီရောင် ဖြစ်ပါသည်။ အဝါရောင် နဂါး မောက်သီး ကိုတော့ စာရေးသူ၏ ခြံတွင် မရရှိ သေးပါ။ နဂါးမောက်သီး၏ ပြင်ပ အရောင်မှာ နုစဉ် ကာလတွင် အစိမ်းရောင် ဖြစ်ပြီး ခန့်မှန်းခြေ နှစ်ဆယ့်ငါးရက်ခန့် အကြာတွင် အစိမ်းရောင်သည် လေးရက်မှ ငါးရက်ခန့် ကြာပြီးလျှင် လုံးဝ အနီရောင်သို့ ပြောင်းလဲ သွားပါမည်။

နဂါးမောက်သီး၏ အသီး အဆင့်ဆင့် ဖြစ်ပေါ်လာပုံ ။ ။ ရင့်မှည့်လာချိန်မှာ အသီးကင်း စသည်မှ စ၍ အသီး ရင့်မှည့် လာချိန် အထိ ရက်ပေါင်း နှစ်ဆယ့်ငါးရက်မှ လေးဆယ့်ငါးရက် ခန့်ကြာ ပါသည်။ နဂါးမောက်သီးကို အခွံခွာ၍ အခြောက်ခံလျှင် အလေးချိန် လျော့ကျ သွားသလို အသား သည်လည်း ပျဉ်းတွဲ လာပါသည်။ နဂါးမောက်သီးသည် ခူးဆွတ် ပြီးနောက် ရင့်မှည့် ပြောင်းလဲခြင်း မရှိပါ။ အရင့်မှည့်ဆုံး အချိန်တွင် နဂါးမောက် သီးသည် အနီရောင်သို့ ပြောင်းလဲ သွားပါမည်။ အသီးတွင် ရှိသော ရွက်ဖက်များ၏ အရောင် သည်လည်း အနီရောင်သို့ ပြောင်းပါမည်။ အတွင်းသား အဖြူရောင် နဂါးမောက်သီး၏ ရွက်ဖက်ထိပ်သည် အစိမ်းရောင် ဖြစ်ပြီး အတွင်းသား အနီရောင် နဂါးမောက်သီး၏ ရွက်ဖက်ထိပ်သည် အနီရောင် ဖြစ်ပါသည်။ အသီးမှည့်ချိန်၊ ခူးဆွတ်ချိန် မှာ အသီး စတင်ပြီးနောက် ရက်ပေါင်း သုံးဆယ်မှ ငါးဆယ် ကြာပါသည်။ နဂါးမောက်သီးပင် သည် ပူအိုက်စွတ်စို၊ သို့မဟုတ် ပူအိုက် ခြောက်သွေ့သော ရာသီဥတုတွင် စိုက်ပျိုးနိုင်ပြီး နိုင်ငံ အများအပြား တွင် အောင်မြင်စွာ စိုက်ပျိုး နေသည်ကို လေ့လာ သိရှိ ရပါသည်။

နဂါးမောက်သီး စားသုံးမှု နှင့် အသုံးချမှု

နဂါးမောက်သီးကို အသီးမှည့် စားသုံးမှု သာမက စက်မှု ကုန်ကြမ်း အဖြစ်လည်း အသုံးပြု နိုင်ပါသည်။ အသီး ၏ ၇၀% မှ ၈၀% ရှိသော အသီး၏ အသားကို စားသုံး နိုင်ပြီး အသီးမှည့် အတိုင်း မပြုပြင်ဘဲ စားသုံးလေ့ ရှိပါသည်။ နဂါး မောက်သီး မှည့်ကို စက်မှု ကုန်ကြမ်း အဖြစ် သုံးပြီး ဖျော်ရည်၊ ယိုလုပ်ငန်း၊ ရေခဲမုန့်၊ ဂျယ်လီနှင့် ဝိုင်လုပ်ငန်းများ တွင် တွင်ကျယ်စွာ သုံးလေ့ ရှိပါသည်။ အစားအသောက် များကို အရောင်ဆိုးရန် အတွက် သဘာဝ ဆိုးဆေး လုပ်ငန်းတွင် လည်း အသုံးပြု ပါသည်။ နဂါးမောက်ပန်း အဖူးကလေး များကို စွပ်ပြုတ်ပြု၍ စားသောက် နိုင်သလို အပွင့် ကိုလည်း လ္ဘက်ခြောက် ကဲ့သို့ ရေနွေး ဆူဆူ နှင့်သောက်ပါက ဆီးချို၊ သွေးချို နှင့် သွေးတိုး ရောဂါသည်များ အတွက် ကျန်းမာရေး ဆေးတစ်မျိုး အနေနှင့် သုံးလေ့ ရှိပါသည်။ နဂါးမောက်သီး အနီတွင် ကျန်းမာရေး ထောက်အကူပြု ဂုဏ်သတ္တိများ ဆေးဖက်ဝင်သည့် အကျိုး ကျေးဇူး ရှိပါသည်။ နဂါးမောက်သီး အနီသည် ကင်ဆာ ရောဂါကို ကာကွယ်နိုင် သလို ဆီးချိုရောဂါ ကိုလည်း သက်သာစေ ပါသည်။ အဆိပ်အတောက် ကို ပြေစေ သဖြင့် ကိုလက်စထရော ကို ကျစေပြီး သွေးတိုးကို ကျစေ သက်သာစေ ပါသည်။ သွေးတွင် ပါဝင်သော သကြား ပမာဏကို လျော့ကျ စေပြီး သွေးယိုစီးမှုကို ကာကွယ်ခြင်း နှင့် သွားများ ကိုလည်း ခိုင်မာစေ ပါသည်။ နဂါးမောက်သီးတွင် ဗီတာမင်စီ နှင့် ဖော့စပရပ် ဓါက်များ ပါဝင်သဖြင့် အရိုးများကို ခိုင်မာစေပြီး သွားများကို ခိုင်မာစေခြင်း နှင့် အသားအရေ၊ အရေပြားတို့ကို လှပစေ ပါသည်။ အားလုံးခြုံငုံ၍ ပြောရလျှင် နဂါးမောက် အနီသီးသည် ကျန်းမာရေး အထောက်အကူ ဖြစ်သည့် ဆေးဖက်ဝင် အသီး တစ်မျိုး ဖြစ်ပါသည်။

နဂါးမောက်သီးပင် စိုက်ပျိုးရေး ခြံများကို အိမ်တွင် တစ်နိုင်တစ်ပိုင် မှစ၍ ဧကပေါင်း များစွာ စိုက်ပျိုးသော ခြံများ အထိ တွေ့ရနိုင် ပါသည်။ စာရေးသူ၏ ခြံတွင် နဂါးမောက် ပျိုးပင်များနှင့် ကိုင်းဖြတ်များကို လိုအပ်သလောက် ဝယ်ယူ ရရှိနိုင် ပါသည်။ နဂါးမောက်ပင် စိုက်ပျိုးခြင်းသည် ဝင်ငွေကို အမြန်ဆုံး ပြန်ရရှိ စေသော နှစ်ရှည် သီးစားပင် ဖြစ်ပါသည်။ ပထမ (၈)လမှ (၂)နှစ်အတွင်း ဝင်ငွေ ရရှိနိုင်ပြီး (၅)နှစ် အတွင်း အပြည့်အဝ သီးပွင့်၍ ပုံမှန် ဝင်ငွေကောင်း ရရှိစေ နိုင်ပါသည်။ နဂါးမောက်သီးပင် စိုက်ပျိုးခြင်းသည် ပူနွေး ခြောက်သွေ့သော နေရာဒေသ များတွင် စိုက်ပျိုးရန် အထူး သင့်လျော်သော နှစ်ရှည် သီးစားပင် ဖြစ်ပါသည်။ အသင့်အတင့် ဆားပေါက် နေရာများ တွင်လည်း အောင်မြင်စွာ စိုက်ပျိုးနိုင် ပါသည်။ မြန်မာပြည် နောင်ချိုမြို့နယ် နှင့် ပုပ္ပါးတောင် ဒေသတွင် စီးပွားဖြစ် အောင်မြင်စွာ စိုက်ပျိုး နေသည်ကို တွေ့ရှိရ ပါသည်။ နဂါးမောက်ပင်ကို အခြား သီးနှံများ နှင့် အတူ တွဲ၍ အောင်မြင်စွာ စိုက်ပျိုးခြင်း သစ်တောဌာန နှင့် ပေါင်း၍ စိုက်ပျိုးခြင်းများ ကိုလည်း စီးပွားဖြစ် ပြုလုပ်နိုင် ပါသည်။

စီးပွားဖြစ်စိုက်ပျိုးခြင်း ။           ။ နဂါးမောက်ပင်သည် အခြားသော မျိုးနွယ်တူ ရှားစောင်းပြသာဒ်၊ ပဒုမ္မာပင်များ နှင့် မတူဘဲ မိုးရေချိန် လက်မ (၂၀) မှ လက်မ(၈၀)ခန့် လိုအပ်ပါသည်။ အလွန်အမင်း မိုးများပါက အပွင့်များ ကြွေကျခြင်း၊ အသီးငယ်များ ပုပ်၍ ကြွေကျခြင်းများ ဖြစ်နိုင် ပါသည်။ အသင့်တော်ဆုံး ရေမြေ သဘာဝကို အသေးစိတ် ရှင်းလင်း ဖော်ပြထားပါသည်။

မြေအမျိုးအစား

နဂါးမောက်ပင်ကို မြေအမျိုးအစား များစွာတွင် ကောင်းမွန်စွာ စိုက်ပျိုးနိုင် ပါသည်။ အရေးကြီး သည်မှာ ရေမဝပ်ရန် ရေစီးကောင်း စေသော သဲနုန်းမြေပွ တွင်ဖြစ်ရန် လိုသည်။ မြေဆွေးများစွာ ပါဝင်သော သဲနုန်းမြေကို နှစ်သက်ပါသည်။ အနည်းငယ် အချဉ်ဓါတ် ပေါက်သော မြေတွင် နဂါးမောက်ပင် စိုက်ပျိုးထား သည်ကိုလည်း တွေ့နိုင် ပါသည်။ စိုက်ပျိုးသူ၏ ဂရုစိုက်မှု၊ ကျွမ်းကျင်မှုကို တည်၍ အနည်းငယ် ဆားဓါတ်ပါသော မြေတွင်လည်း အောင်မြင်စွာ စိုက်ပျိုးနိုင် ပါသည်။

နဂါးမောက်ပင်ပျိုးခြင်း

နဂါးမောက်ပင်ကို (၁) အစေ့မှ ပျိုးခြင်း၊ (၂) ကိုင်းဖြတ် စိုက်ပျိုးခြင်း ဟူ၍ အဓိက နည်းနှစ်မျိုးဖြင့် စီးပွားဖြစ် စိုက်နိုင်ပါသည်။

အစေ့မှပျိုးခြင်း

အစေ့မှ ပျိုးရာတွင် နဂါးမောက် မိခင်ပင်မှ ရွေးချယ် ထားသော ရင့်မှည့်သည့် အသီးမှ အစေ့ကို ယူရပါမည်။ အစေ့များကို ရေဆေးပြီး သဲနုံးမြေ သို့မဟုတ် သဲနုံး နှင့် မြေဆွေး ရောထားသော မြေတွင် အညှောင့် ပေါက်စေပါ။ မြေကို ရေစွတ်စို နေပါစေ။ အစေ့များသည် (၃-၄)ရက် တွင် အညှောင့်များ စပေါက် လာပါ မည်။ အစေ့များ အညှောင့် ပေါက်ပြီး (၄-၅)ရက် သတ္တပတ် အကြာတွင် အိုးတွင် ထည့်၍ ပျိုးရပါမည်။ အိုးများနှင့် ပျိုးထားသော နဂါးမောက်ပင်ကို (၉)လ (၁၀)လအကြာတွင် မြေချ စိုက်နိုင် ပါသည်။ ဤစနစ်သည် ရိုးရှင်း၍ လွယ်ကူသော်လည်း မူရင်းအပင်၏ အရည်အသွေး မှီအောင် ရရှိနေမှု မသေချာပါ။ ဝတ်မှုန်ကူးခြင်း သဘော သဘာဝ အရ အခြား မျိုးကွဲများနှင့် ရောတတ်ပါသည်။ ထို့အပြင် အစေ့မှ စိုက်ပျိုးခြင်း သည် အချိန်ကြာမှသာ သီးပွင့် ပါသည်။ ငါးနှစ် ခြောက်နှစ် ကြာအောင် အချိန်ယူတတ် ပါသည်။ ကိုင်းဖြတ် စိုက်ပျိုးခြင်း ထက် အချိန်များစွာ ကြာမြင့် ပါသည်။ စီးပွားဖြစ် စိုက်ပျိုးရန် သင့်တော် သောနည်း မဟုတ်ပါ။

ကိုင်းဖြတ်စိုက်ပျိုးခြင်း

အလွယ်ကူဆုံး၊ ဈေးအချိုဆုံး၊ အသင့်တော်ဆုံး မျိုးပွားရန်မှာ ကိုင်းဖြတ် များကို စိုက်ပျိုးခြင်းပင် ဖြစ်ပါသည်။ နဂါးမောက်ပင် သီးပွင့်ပြီး တစ်နှစ် မှ နှစ်နှစ် အကြာ ကိုင်းရင့်ပြီး ချိန်မှ စ၍ ကိုင်းဖြတ် စိုက်ပျိုးနိုင် ပါသည်။

ကိုင်းဖြတ်၍ ပျိုးခြင်းကို တစ်နှစ်ပတ်လုံး ပျိုးနိုင် သော်လည်း အများအားဖြင့် အသီးသီးသော ရာသီကုန် ဆုံးပြီးမှသာ အကိုင်းဖြတ်ခြင်း၊ ပျိုးခြင်း အလုပ်ကို ပြုလုပ် ကြပါသည်။ အဝါရောင် အဖြူရောင် အစရှိသဖြင့် နဂါးမောက်ပင်၏ မူလ သဘာဝ အရောင် အစိမ်းရောင် မဟုတ်သော အကိုင်းများကို ဖြတ်၍ အပင်ပေါက် ပျိုးခြင်း မပြုလုပ် သင့်ပါ။ စိုက်ပျိုးရန် အတွက် ကိုင်းဖြတ်ခြင်းကို နံနက်ခင်းတွင် ပြုလုပ် သင့်သည်။ ကိုင်းဖြတ် စိုက်ပျိုးရန် အတွက် နဂါးမောက် ကိုင်းဖြတ်ရာတွင် အရှည် တစ်ပေမှ တစ်ပေခွဲခန့် ဖြတ်သင့် ပါသည်။ ကိုင်းဖြတ် ရှည်လျှင် ရှည်သလို အမြစ်သစ်များ ထွက်ပေါ်မှု၊ အရွက် နှင့် အတက် ပေါက်မှုများ ပိုမြန်ပါသည်။ အကိုင်းဖြတ် ထဲတွင် သိုလှောင်ထားသော ရေနှင့် အစာကြောင့် ဖြစ်ပါသည်။ အကိုင်းများကို ဖြတ်ရာတွင် အောက်ခြေကို အနည်းငယ် ရွေစောင်း၍ ဖြတ်လေ့ ဖြတ်ထ ရှိပါသည်။ ကိုင်းရင့်များ သည် ကိုင်းနု များထက် ပို၍ အင်းဆက်ပိုး များနှင့် အခြား ဘေးဒဏ်များကို ခံနိုင်ရည် ရှိပါသည်။ ကိုင်းဖြတ်များကို မှိုသတ်ဆေးတွင် တို့ပြီးမှ စိုက်ပါက မှိုရောဂါ ကာကွယ်ရာ ရောက်ပါသည်။ ထို့အပြင် ကိုင်းဖြတ်များကို အေး၍ ခြောက်သွေ့သော နေရာများတွင် (၅)ရက်မှ (၇)ရက်ခန့် ထားပြီးမှ စိုက်လေ့ ရှိပါသည်။ ကိုင်းဖြတ် များကို စိုက်ကွင်း ထဲတွင် တိုက်ရိုက် စိုက်နိုင် သော်လည်း အရိပ်တွင် ပျိုးအိတ် သို့မဟုတ် အိုးနှင့် မြေဆွေးထည့်၍ အမြစ် ထွက်လာရန် ပျိုးပြီးမှသာ စိုက်လေ့ ရှိပါသည်။

အကိုင်းဖြတ်များမှ အမြစ်ထွက် မြန်စေရန် အမြစ်ပွားသေး သို့မဟုတ် အမြစ်ထွက် စေသော ဟော်မုန်းဆေးတွင် နှစ်ပြီးမှ စိုက်ပါက အမြစ်ထွက် မြန်ပါသည်။ ရက် ၄၀-၅၀ ခန့်ကြာမှ အမြစ်ထွက် သော နဂါးမောက် အကိုင်းဖြတ်သည် ၁၀-၁၅ရက် အကြာတွင် အမြစ် ထွက်လာနိုင် ပါသည်။

အမြစ်ထွက် စေသော ဟော်မုန်းဆေး

နဂါးမောက်ပင် အကိုင်းဖြတ်ကို စိုစွတ်စေပြီး အမြစ်ထွက် စေသော ဟော်မုန်း အမှုန့်တွင် (၁၀) စက္ကန့်ခန့် နှပ်ပြီးမှ စိုက်လျှင် အတက်ထွက်ခြင်း မြန်ပြီး သန်စွမ်းသော အမြစ်ပွားများ (၄)လမှ(၆)လ အတွင်း ထွက်ရှိပါမည်။ အတက်များ သည်လည်း တရက် လျှင် တစ်လက္မခန့် ရှည်ထွက် ပါမည်။ ကိုင်းဖြတ်များကို ခရီးဝေးသို့ တင်ပို့လျှင် ရေစိုသော စက္ကူ သို့မဟုတ် အဝတ်စ နှင့် ရစ်ပတ်၍ ပို့သင့်ပါသည်။ မလိုအပ်သော ရေခြောက်သွေ့ခြင်းမှ ကာကွယ်ရန် ဖြစ်သည်။ ကိုင်းဖြတ် စိုက်ပျိုး ထားသော ပျိုးပင်ပေါက် အိုးများကို ရေအနည်းငယ် လောင်းပေး နိုင်သော်လည်း ရေဝပ်၍ အပင်ပုပ်ခြင်း မဖြစ်စေရန် ဂရုစိုက်ရ ပါမည်။ နဂါးမောက် ပျိုးပင်များ၏ အမြစ်များသည် ပျိုးအိတ် သို့မဟုတ် အိုး၏ အောက်ခြေမှ ဖောက်ထွက်၍ မြေသို့ စိုက်ဝင်ပြန့်ပွား လာနိုင် ပါသဖြင့် ပျိုးပင်များ မြေချရန် အချိန်မှာလည်း အရေးကြီးပါသည်။ ပျိုးပင်များကို အမြင့်ခုံတွင် တင်ထားခြင်း၊ အမာခံ မျက်နှာပြင် ပေါ်တွင် တင်၍ စိုက်ပျိုးသင့် ပါသည်။ နဂါးမောက်ပင်ကို ကိုင်းကူး ကိုင်းဆက်ခြင်း နည်းဖြင့် မျိုးပွား နိုင်သော်လည်း အများအားဖြင့် လွယ်ကူ ရိုးရှင်းသော ကိုင်းဖြတ် စိုက်ပျိုးခြင်း နည်းကိုသာ သုံးပါသည်။ ကိုင်းကူးခြင်းဖြင့် မျိုးရင်းတူသော အရိုင်းပင်ကို နဂါးမောက်ပင်ဖြင့် မျိုးပွားနိုင်သည်ကို စာတွေ့အနေဖြင့် လေ့လာနိုင် သော်လည်း လက်တွေ့တွင် စမ်းသပ် စိုက်ပျိုးခြင်း မရှိသေးပါ။

ပျိုးပင်များစိုက်ပျိုးခြင်း

ပျိုးပင်များ၊ နဂါးမောက် ကိုင်းဖြတ်များကို တစ်နေရာတွင် စုစည်း၍ ပျိုးခင်း အဖြစ် ပြုလုပ်ခြင်းဖြင့် မြေသားကို လွယ်ကူစွာ ပြုပြင်နိုင်ခြင်း၊ လွယ်ကူစွာ ရေလောင်းနိုင်ခြင်း၊ အလင်းရောင်ကို လွယ်ကူစွာ ပေးနိုင်ခြင်း စသည့် အကျိုးကျေးဇူး များ ရပါသည်။

ကိုင်းဖြတ် စိုက်ပျိုးခြင်းကို မိုးရာသီ မရောက်မီ သုံးလခန့် ကြိုတင်၍ ပျိုးသင့်သလို အမှန်တကယ် စိုက်ပျိုးမည့် နေရာနှင့် မလှမ်းမကမ်း အနီးတွင် ပြုလုပ်ခြင်း အားဖြင့် သယ်ယူ ပို့ဆောင်ခ သက်သာစေသည်။ အပျက်အစီး သက်သာစေ ပါသည်။ ပျိုးပင်များကို သက်တမ်း နုစဉ်တွင် သင့်တော်သော အရိပ် ပြုလုပ်ပေး ရပါမည်။ အပင်ကိုင်းဖြတ် ရွေးချယ်ရာတွင် သန်စွမ်း၍ အစိမ်းရင့်ရောင် ရှိသော အတက် ကိုင်းဖြတ်များ ကိုသာ သုံးရပါမည်။ တစ်ဆယ်မီတာ ( ၃၂ ပေခန့် ) ပတ်လည် မြေကွက်လပ် ရှိသော ပျိုးဥယျာဉ် တစ်ခုတွင် ပျိုးပင် တစ်ထောင့် တစ်ရာခန့် ဆံ့ပါမည်။

ပျိုးပင် ကိုင်းဖြတ် အချို့သည် အမြစ်မပွား၊ အတက်မပေါက် ဖြစ်နိုင် ပါသဖြင့် လိုအပ်သည့် ပမာဏထက် ပို၍ ပျိုးရမည် ဖြစ်ပါသည်။ မိမိ လိုအပ်မည့် အပင်ပေါက် ပမာဏ နှင့် ပျိုးရမည့် အကိုင်းဖြတ် ပမာဏသည် အရေးကြီး ပါသည်။

မြေချစိုက်ပျိုးခြင်း။         ။ နဂါးမောက်ပင်သည် နေရောင်ခြည်ကို နှစ်သက် သဖြင့် ကွင်းပြင်ကျယ်တွင် စိုက်ပျိုးသင့် ပါသည်။ အရိပ်ကျသော နေရာတွင် မစိုက်ပျိုး သင့်ပါ။ သံနန်းကြိုး သို့မဟုတ် ဝိုင်ယာကြိုး သုံး၍ နဂါးမောက်ပင်ကို မချည်တုတ် သင့်ပါ။ သံနန်းကြိုးသည် နဂါးမောက်ပင်ကို ထိခိုက် ပြတ်ကျစေ သလို သံချေး တက်၍ ပျက်စီးသွား သဖြင့် ကြာရှည် မခံပါ။ အုတ်နံရံ၊ သစ်ပင် စသည်တို့ကို တွယ်တက်၍ ဥယျာဉ်ခြံမြေတွင် နဂါးမောက်ပင် စိုက်ပျိုးခြင်းသည် အပင် အနည်းငယ်သာ စိုက်ပျိုးနိုင် ပါမည်။ စီးပွားဖြစ် စိုက်ပျိုးရာတွင် ကွန်ကရစ်တိုင်၊ အုတ်တိုင်၊ သစ်မာ သစ်သားတိုင်များ တန်းများကို သုံး၍ စိုက်ပျိုး ရပါမည်။ နဂါးမောက်တိုင် များသည် အပင်၏ အလေးချိန်ကို ခံနိုင်ရန် တောင့်တင်း ရမည် ဖြစ်သလို လူဖြင့် ဝတ်မှုန်ကူးခြင်း၊ အသီးခူးခြင်း ပြုလုပ်နိုင်ရန် လုံလောက်သော ဝင်လမ်း၊ ထွက်လမ်း ရှိရပါမည်။ စာရေးသူ၏ ခြံမှ နဂါးမောက်အဖူး၊ အပွင့်ငုံ၊ အပွင့် စသည် တို့နှင့် အတူ နဂါးမောက် အပင် တို့ကို ပြသထား ပါသည်။

သံကူ ကွန်ကရစ်တိုင်ဖြင့် စိုက်ပျိုးခြင်း ဓာတ်ပုံ - ကျော်နိုင်

နဂါးမောက်ပင်များကို မြေခြ စိုက်ပျိုးရာတွင် တိုင်စိုက်၍ တိုင်ဘေး ပတ်လည်တွင် စိုက်ပျိုး သောနည်းကို စာရေးသူ အနေနှင့် နှစ်သက် ပါသည်။ စာရေးသူ၏ ခြံ တစ်တိုင်နှင့် တစ်တိုင် တစ်ဆယ်ပေ ပတ်လည်ခြား၍ စိုက်ပြီး တိုင်ကို မြေတွင် တစ်ပေမှ တစ်ပေခွဲ အထိ စိုက်ပါသည်။ သံကူ ကွန်ကရစ်တိုင် များကို သုံးကြသလို အုတ်တိုင်များ ကိုလည်း သုံးကြပါသည်။ ကွန်ကရစ်တိုင်ကို ခုနှစ်ပေခန့် လောင်းလေ့ ရှိပါသည်။

အုတ်တိုင်ဖြင့် စို်က်ပျိုးခြင်း ဓာတ်ပုံ - ကျော်နိုင်

ကွန်ကရစ်တိုင် တစ်လုံးလျှင် နဂါးမောက်ပင် တစ်ပင်မှ လေးပင် အထိ စိုက်လေ့ ရှိပါသည်။ မိုးဦးကျ ရာသီတွင် စိုက်လေ့ ရှိသော်လည်း ရေလောင်း နိုင်လျှင် တစ်နှစ်ပတ်လုံး စိုက်ပျိုးနိုင် ပါသည်။ ရေကို မနက်ခင်း ဖြစ်စေ၊ ညနေခင်း ဖြစ်စေ ပေးလောင်း သင့်သည်။ စာရေးသူ၏ နဂါးမောက်ခြံတွင် အပင်၏ အမြစ် အနီးသို့ ရေပိုက်ငယ် သွယ်၍ ရေတိုက်ရိုက် လောင်းသော စနစ်ကို သုံးပါသည်။

ကိုင်းဖြတ်ပေးခြင်း

နဂါးမောက်ပင်သည် လျင်မြန်စွာ ကြီးထွားသော အပင်ဖြစ်သည်။ တိုင်၏ ထိပ်သို့ တစ်နှစ်ခန့် အတွင်း ရောက်ရှိမည် ဖြစ်သည်။ နဂါးမောက်ပင်ကို တိုင်နှင့် ကောင်းမွန်စွာ တွယ်ကပ် နေစေရန် လျှော်ဖြင့် ခပ်ချောင်ချောင် စည်းပေးရ ပါမည်။ စာရေးသူ အနေနှင့် သင်အူလျှော် ကိုသုံးပါသည်။ အကိုင်းအတက်ကို ချန်ထား၍ ဘေးတိုက် ထွက်သော အတက်များကို ကိုက်ဖြတ်ပစ် ပါသည်။

သင်အူကို အသုံးပြပြီး အပင်ကို တိုင်သုို့ ကပ်ချည်ထားပုံ ဓာတ်ပုံ - ကျော်နိုင်

အကိုင်းအတက်များ ထွက်လာပြီးနောက် နဂါးမောက် ပင်စည်ကို လေဝင်လေထွက် မကောင်းစေခြင်း၊ နေရောင်ခြည် မကျရောက် စေခြင်း ဖြစ်ပါက မှိုရောဂါ ဖြစ်စေပါသည်။ ရောဂါ ကျရောက်သော၊ ရိပုပ်သော ကိုင်းများကို ဖြတ်တောက်ခြင်း၊ ရိပုပ်နေသော အသားကို ဓါး နှီးပြားနှင့် ခြစ်ချ၍ ကော့ပါးအောက်ဆိုဒ်ပါ မှိုသတ်ဆေးနှင့် လိမ်းပေးခြင်း၊ မှိုသတ်ဆေး မှန်မှန် ဖျန်းခြင်း ပြုလုပ်ရ ပါသည်။
နဂါးမောက် ကိုင်းများကို ဖြတ်ရာတွင် သုံးဆင့်မှ လေးဆင့် ကိုင်းအားလုံးကို ဖြတ်ထုတ် သင့်ပါသည်။ ကိုင်းဖြတ်ရာ များကိုလည်း မှိုရောဂါမှ ကာကွယ်ရန် မှိုသတ်ဆေး တစ်ခုခု သုံးသင့် ပါသည်။ ကိုင်းဖြတ်စဖြတ်န များကို မှိုရောဂါ မကျစေရန် စိုက်ကွင်း အပြင်သို့ စွန့်ပြစ်ခြင်း၊ အပင်ပေါက် ပြန်ပျိုးခြင်း နှင့် မြေဆွေး ပြုလုပ်ရာတွင် သုံးခြင်း စသည်တို့ ပြုလုပ်ပါသည်။

ရေလောင်းခြင်း

နဂါးမောက်ပင်သည် မိုးခေါင်ရေရှား အရပ်ဒေသတွင် ပေါက်ရောက်သော အပင်မျိုးနွယ် ဖြစ်သော်လည်း အပင်ကြီးထွားရန် ရေအမြောက်အများ လိုပါသည်။ နဂါးမောက်မြစ်သည် မြေမျက်နှာပြင် အပေါ် မြေလွှာတွင် ခြောက်လက်မမှ တစ်ပေပတ်ဝန်းကျင် အတွင်းတွင်ရှိပြီး ဘေးပတ်ပတ်လည်သို့ ဖြာထွက်ပါသည်။ ရေပေးသွင်းသော စနစ်သည် အမြစ်ပတ်လည်ရှိ မြေသားကို လုံလောက်သော စိုထိုင်းဆပေးနိုင်ရမည် ဖြစ်သလို ရေမဝပ်စေရပါ။ အထူးသဖြင့် နွေရာသီတွင် ရေလောင်းရန် လိုအပ်ပါသည်။ မိုးရေချိန်လက်မ ငါးဆယ်မှ လက်မ တစ်ရာ ရွာသွန်းသော အရပ်ဒေသများတွင် မိုးပုံမှန် ရွာသွန်းပါက ရေလောင်းခြင်းကို အရေးတကြီး မလိုအပ်ပါ။ ခြောက်သွေ့သော နွေရာသီတွင်သာ အပင်ကြီးထွားမှု အသီးနှုန်း ကောင်းမွန်ရန်အတွက် ရေမှန်မှန်လောင်းပေး သင့်ပါသည်။ နွေရာသီတွင် ရေခန်းခြောက်ခြင်း၊ ရေလောင်းရန် ပျက်ကွက်ခြင်းတို့သည် သီးနှုန်းကျဆင်းခြင်း၊ အသီးသေးခြင်းတို့ ဖြစ်စေပါသည်။ အကြမ်းအားဖြင့် ဆိုရသော် ပန်းပွင့်ရာသီ မရောက်မှီ နွေရာသီတွင် ပူးနွေး ခြောက်သွေ့သော ရာသီဥတုလိုအပ်သလို ပန်းပွင့်ရာသီနှင့် အသီးရာသီတို့တွင် လုံလောက်သော စိုစွပ်မှု ရှိရပါ မည်။ နဂါးမောက်စိုက်ရာတွင် မလိုလားအပ်သော ရေပြတ်လပ်မှု၊ ပူပြင်းခြောက်သွေ့မှုများ ရှိပါက သီးနှုန်းနည်း ခြင်း၊ အသီးအရွယ် ပမာဏ သေးငယ်ခြင်းများ ဖြစ်စေပါသည်။

ရေပိုက်ငယ်သွယ်၍ ရေတိုက်ရိုက် လောင်းသောစနစ် ဓာတ်ပုံ- ကျော်နိုင်

ပန်းမပွင့်မှီ အချိန်တွင် အသင့်အတင့် ခြောက်သွေ့သော အချိန်ရှိလျှင် ပန်းပို၍ ပွင့်ပါသည်။ မြေသားအနေ နှင့် လုံလောက်သော စိုထိုင်းဆ၊ စွတ်စိုမှု ရှိရပါမည်။ နဂါးမောက်သီးနေချိန်တွင် အလွန်ခြောက်သွေ့ခြင်းနှင့် ရေ အလွန်များခြင်း၊ ရာသီနှင့် ကြုံရပါက အသီးကွဲခြင်း၊ ကြွေကျခြင်းများ ဖြစ်တတ်ပါသည်။ ထို့ကြောင့် သီးနှုန်းကောင်း စေရန် ရေပုံမှန်လောင်းရပါမည်။ ကောင်းမွန်သော ရေလောင်းစနစ်နှင့် သင့်တော်သော မြေသားစိုစွတ်မှု ထိန်းသိမ်းခြင်းသည် အလွန်အရေးကြီးပါသည်။ ကောက်ရိုးခြောက်၊ သစ်ခက်ခြောက်များကို နဂါးမောက်ပင် ခြေရင်းတွင် စုပုံပေးခြင်းဖြင့် မြေသားအပူချိန်ကို လျှော့ချပေးနိုင်သလို မြေသား၏ စိုထိုင်းဆ၊ ရေကိုလည်း ထိန်းသိမ်းပေးပါသည်။ သို့သော် ပူပြင်းသော မြေသားတွင် စွပ်စိုအေးမြသော နေရာသည် ပုရွက်ဆိပ်နှင့် အခြား မြေအောင်းပိုးမွှားများ၏ နားခိုအသိုက်အိမ်ပြုလုပ်စရာ ဖြစ်သွားတတ်ပါသည်။ နဂါးမောက်ပင်၏ အမြစ်များကို ပုရွက်ဆိတ်နှင့် ချများက ကိုက်ဖြတ်စားသောက်ခြင်းဖြင့် နစ်နာဆုံးရှုံးမှုကိုလည်း ဖြစ်စေပါသည်။

နဂါးမောက်ပင်၏ အမြစ်များကို ပုရွက်ဆိတ်နှင့် ချများက ကိုက်ဖြတ်စားသောက်ခြင်း ဓာတ်ပုံ - ကျော်နိုင်

ဓါတ်မြေဩဇာ အသုံးပြုခြင်း

နဂါးမောက်ပင် စိုက်ပျိုးရာတွင် အော်ဂဲနစ် မြေဩဇာ၊ မြေဆွေးသည် အကောင်းဆုံး ဖြစ်သော်လည်း ဓါတ် မြေဩဇာကိုလည်း အသုံးပြုရပါသည်။ ဓါတ်မြေဩဇာ အသုံးပြုပုံမှာ တစ်နေရာနှင့် တစ်နေရာ မတူညီကြပါ။ မြေ အမျိုးအစား၊ ရာသီဥတု အကြောင်းအရာများစွာပေါ်တွင် ကွဲပြားခြားနားကြပါသည်။ အပင်သက်တမ်း နုစဉ်တွင် ဓါတ်မြေဩဇာ အချိန်မှန်ထည့်ခြင်းဖြင့် အပင်ကြီးထွားမှုကို များစွာ အထောက်အကူ ဖြစ်စေပါသည်။ ထိုင်ဝမ်တွင် ရှိ နဂါးမောက်ခြံများတွင် နဂါးမောက် တစ်ပင်လျှင် ၄-လတစ်ကြိမ်၊ နွားချေး ၄- ကီလိုဂရမ်နှင့် ၁၃-၁၃-၁၃ဓါတ် မြေဩဇာ ၁၀၀-ဂရမ် သုံးပါသည်။ ဟာဝိုင်ရီတွင်ရှိ နဂါးမောက်ခြံများတွင် ၁၆-၁၆-၁၆ ဓါတ်မြေဩဇာကို ၁၈၀-၂၃၀ ဂရမ်ကို နဂါးမောက် တစ်ပင်လျှင် ၄-၆လတစ်ကြိမ် ထည့်ပါသည်။ ထို့ပြင် ထုံးဓါတ်နှင့် အနည်လို အာဟာရ ဓါတ်များကိုလည်း အသီးတင်ရန်၊ အသီးကြီးထွားရန် ထည့်ကြပါသည်။

နဂါးမောက်ပင်သည် အသီးသီးရန်၊ အသီးကြီးထွားရန် နိုင်တြိုဂျင်ဓါတ် လိုအပ်မှု နည်းပါးသွားသော ကြောင့် ဓါတ်မြေဩဇာကို (၀-၁၀-၁၀) သို့မဟုတ် (၂-၁၀-၁၀) အစရှိသော ဓါတ်မြေဩဇာကို သုံးရပါသည်။ ဗီယက်နမ်နိုင်ငံတွင် သုံးနှစ်အောက် သက်တမ်းရှိ နဂါးမောက် ပင်ငယ်များကို နွားချေး (၁၀-၁၅) ကီလိုဂရမ်နှင့် စူပါ ဖော့စဖိတ် ၁၀၀ ဂရမ် ထည့်ပေးပါသည်။

ပထမ (၂)နှစ်တွင် အပင်တစ်ပင်စီအတွက် ယူရီးယား ပုလဲဓါတ်မြေဩဇာ (၃၀၀) ဂရမ်နှင့် (၁၆-၁၆-၈) ရှိ ဓါတ်မြေဩဇာမှာ (၂၀၀) ဂရမ် ထည့်ပေးပါသည်။ မြေဩဇာထည့်ရာတွင် နဂါးမောက်ပင်စိုက်ပြီး တစ်လအကြာ၊ (၆)လအကြာနှင့် တစ်နှစ်အကြာတွင် အချိန်မှန် ထည့်ပေးလေ့ရှိပါသည်။ နဂါးမောက် ပင်သင်တန်း သုံးနှစ်နှင့် အထက်ရှိ အပင်များကို တစ်ပင်လျှင် နိုင်တြိုဂျင် (၅၄၀)ဂရမ်၊ ပိုတက်ဆီယမ် အောက်ဆိုဒ် (၃၀၀)ဂရမ်နှင့် ဖော့ စပရပ်အောက်ဆိုဒ် (၇၂၀) ဂရမ်နှုန်း နှစ်စဉ် ထည့်ပေးရပါသည်။ ထို့အပြင် နွားချေးဆွေး (၂၀) ကီလိုဂရမ်ကို နဂါး မောက်တစ်ပင်စီအတွက် ထည့်ပေးရပါမည်။ မြေဩဇာထည့်ရာတွင် တစ်နှစ်လျှင် လေးကြိမ်ခွဲ၍ ထည့်ပေးလေ့ ရှိပါသည်။ တတိယအကြိမ်ကို သီးကင်းစလေးများ စတင်ချိန်တွင် ထည့်ပေးလေ့ရှိပါသည်။ သီရိလင်္ကာနိုင်ငံတွင် တော့ နဂါးမောက်ပင်ကို မြေဩဇာထည့်ခြင်းအတျွက် သတ်မှတ်ထားသော လမ်းညွှန်ချက် မတွေ့ရပါ။ ဓါတ်မြေ ဩဇာ (၁.၁.၂)ကို ၃၀-၄၀ ဂရမ်လျှင် နဂါးမောက်တစ်ပင်နှုန်း ထည့်ပြီး တစ်နှစ်လျှင် သုံးကြိမ် ထည့်လေ့ရှိပါသည်။ အချို့နေရာများတွင် အထူးရောစပ်ထားသော (၁၅-၅-၁၅-၈)ဆာလဖာ (၁.၆) မဂ္ဂနီဆီယမ် အနည်လို အာဟာရ ဓါတ်မြေဩဇာကို နဂါးမောက်တစ်ပင်လျှင် တနှစ် (၁၀၀)ဂရမ်နှုန်း ထည့်ပါသည်။နဂါးမောက်ပင်ကို ဓါတ်မြေဩဇာ မသုံးဘဲ နွားချေးနှင့် မြေဆွေးသဘာဝ မြေဩဇာသုံး၍ စိုက်ပျိုးနိုင်ပါသည်။ သဘာဝမြေဩဇာသုံး အော်ဂဲနစ် နဂါးမောက်သီးသည် ကျန်းမာရေး အထောက်အကူအဖြစ် ဆေးဘက်ဝင် အသီးတစ်မျိုး အနေနှင့်ဈေးကွက်ဝင်၊ ဈေးကောင်းဝင်ရသော သီးနှံ ဖြစ်သည်။

နဂါးမောက်သီးကို ရာသီမဟုတ် သီးစေခြင်း ။             ။ နဂါးမောက်သီးကို ရာသီအလိုက် မဟုတ်ဘဲ အခြားခြံများတွင် မသီးမပွင့်သော အချိန်တွင် ပွင့်စေသီးစေ ရန်အတွက် နည်းစနစ်များကို တွင်ကျယ်လွယ်ကူစွာ တွေ့ရခဲပါသည်။ ထိုင်ဝမ်ရှိ စိုက်ပျိုးရေးခြံများတွင် လျှပ်စစ်မီး ကို အသုံးပြု၍ နေ့ည အလင်းအမှောင် ပြောင်းလဲပေးခြင်းဖြင့် ရာသီမဟုတ်ဘဲ ပွင့်စေသီးစေပါသည်။ ည (၁၀) နာရီ မှ မနက် (၂)နာရီအတွင်း ၁၀၀ ဝပ်မီးလုံးများကို ၁.၂မီတာမှ ၁.၅မီတာခြား၍ အမြင့် ၁.၈မီတာခန့်တွင် ထွန်းပေးခြင်း ဖြစ်ပါသည်။ ရာသီမဟုတ်ဘဲ သီးသော နဂါးမောက်သီးသည် အရွယ်ကြီးခြင်း အရသာ ချိုခြင်းနှင့် ဈေးကောင်းရ ခြင်း အကျိုးကျေးဇူးများ ရှိပါသည်။ အစ္စရေးနိုင်ငံရှိ နဂါးမောက်ခြံများတွင်မူ ဟော်မုန်းဆေးများ (ဥပမာ growth regulators ( N-(2-chloro-4-pyridinyl) - N-phenylurea (CPPU) and gibberellic acid ) သုံး၍ ရာသီ မဟုတ် သီးပွင့်စေနိုင်ကြပါသည်။

ပေါင်းပင်များကို ထိန်းသိမ်းခြင်း

ပေါင်းပင်ရှင်းလင်းခြင်းသည် အလွန်အရေးကြီးပါသည်။ ပေါင်းပင်များသည် ရေနှင့်မြေဩဇာကို ခွဲဝေစား သုံးသောကြောင့် နဂါးမောက်ပင်အတွက် လျှော့နည်းစေပါသည်။ပေါင်းပင်များသည် ပုရွက်ဆိတ်၊ ခြစသော ပိုးမွှား များ၊ ငှက်များ နားခိုစရာ ဖြစ်စေပြီး ယင်းအင်းဆက်၊ ပိုးမွှားများက နဂါးမောက်ပင်၏ ပင်စည်၊ အမြစ်များကို ကိုက်ဖြတ် စားသောက် ဖျက်ဆီးတတ်ပါသည်။

ဓာတ်ပုံ - ကျော်နိုင်

နဂါးမောက်ပင်တိုင်များ တန်းများအကြား အကွာအဝေးသည် လည်း ပေါင်းရှင်းရန်အတွက် အရေးကြီးသော အချက်တစ်ခုဖြစ်ပါသည်။ စာရေးသူ၏ ခြံတွင် နဂါးမောက်ပင်နှင့် အသင့်အတင့် ကွာဝေးသော နေရာကို ပင်လုံးပြန့် ပေါင်းသတ်ဆေး ဖြန်းပါသည်။ နဂါးမောက်ပင်နှင့် နီးသောနေရာ များကို လောင်ဆေးပေါင်းသတ်ဆေး ဖြန်းပါသည်။ (သြဂဲနစ် သုို့မဟုတ် ဓာတုလွတ် စိုက်ပျိုးသူများအနေဖြင့်လည်း မိမိတို့ အဆင်ပြေသော နည်းလမ်းများဖြင့် ပေါင်းရှင်းနိုင်ပါသည်။ ယခုနည်းလမ်းမှာစာရေးသူအသုံးပြုသော နည်းလမ်းသာ ဖြစ်ပါသည် - အစိမ်းရောင်လမ်းမှ ဖြည့်စွက်ချက်)

အင်းဆက်ပိုးမွှားများ

နဂါးမောက်သီးသည် အများသောအားဖြင့် အင်းဆက် ပိုးမွှားရန်မှ ကင်းလွတ်ပါသည်။ နဂါးမောက်ပင်နှင့် အဖူးနုများ၊ အတက်နုများ၊ အသီးအပွင့်တို့ကို သာမက အမြစ်များကိုပါ ကိုက်ဖြတ် စားသောက်တတ်သော ပုရွက်ဆိတ် နှင့်ခြတို့မှစ၍ ငှက်၊ လင်းနို့၊ ကြွက် အစရှိသော သတ္တဝါငယ်များ၏ နဂါးမောက်ကို ကိုက်ဖြတ်စား သောက်ခြင်းပြဿနာလည်း ရှိပါသည်။ ပင်လုံးပြန့်ပိုးသတ်ဆေးများကို အပတ်စဉ်နှံ့စပ်အောင် ဖြန်းပေးရပါမည်။ (အခြား ဓာတုဆေးများကို မသုံးဘဲ ကာကွယ်နှိမ်နှင်းနည်းများလည်း ရှိနုိုင်ပါသေးသည်။) နဂါးမောက်ပင်တို့၏ အခြေအနေကိုလည်း အမြဲမပြတ် စောင့်ကြည့်နေရပါမည်။

အဖူးနုများ၊ အတက်နုများ၊ အသီးအပွင့်တို့ကိုကို ကိုက်ဖြတ် စားသောက်တတ်သော ပုရွက်ဆိတ်နှင့်ခြ ဓာတ်ပုံ - ကျော်နိုင်

ငှက်၊ လင်းနို့၊ ကြွက် အစရှိသော သတ္တဝါငယ်များ၏ နဂါးမောက်ကို ကိုက်ဖြတ်စား သောက်ခြင်း ဓာတ်ပုံ - ကျော်နိုင်

နဂါးမောက်ပင်တွင် ကျရောက်သော ရောဂါများ

နဂါးမောက်ပင်တွင် မှိုရောဂါနှင့် သံချေးပြောက်ကျတတ်သော ရောဂါတို့ကို အများအားဖြင့် တွေ့ရပါသည်။ နဂါးမောက်ပင်၏ ပင်စည်တွင် ရေစုဝေး၍ ပျော့လာပြီး ပုပ်သောရောဂါ ဖြစ်တတ်ပါသည်။ ဘက်တီးရီးယားကြောင့် ဖြစ်ပြီး ရေအလွန် အကျွံ လောင်းခြင်းနှင့် မိုးအလွန်များသော ရာသီတို့တွင် ဖြစ်တတ်ပါသည်။ သံချေးကွက် ဖြစ်သော ရောဂါကိုလည်း တွေ့ရတတ်ပါသည်။ နဂါးမောက်ပင်စည်တွင် မှိုရောဂါကျရောက်ပါက သီးနှုန်းကျဆင်း ခြင်း၊ အသီးမသီးခြင်း ဖြစ်တတ်ပါသည်။ နဂါးမောက်ပင်၏ အလင်းရောင်၊ နေရောင်ခြည် ရရှိမှု၊ လေဝင်လေထွက် ကောင်းမွန်မှုတို့သည် အရေးကြီးပါသည်။

ပင်စည်တွင် ရေစုဝေး၍ ပျော့လာပြီး ပုပ်သောရောဂါ ဓာတ်ပုံ - ကျော်နိုင်

နဂါးမောက်သီး သီးခြင်း

နဂါးမောက်ပင်သည် စိုက်ပျိုးချိန်မှစ၍ ရှစ်လခန့်အကြာတွင် စတင်သီးနိုင်ပါသည်။ အပင်သက်တမ်း (၂)နှစ်နှင့် အထက် ကိုင်းရင့်ပြီး စိုက်ပျိုးရေးခြံများတွင် တစ်ဧကလျှင် ၁၀-တန်ခန့် ထွက်နှုန်းရှိပါသည်။ အပင် သက်တမ်း(၃)နှစ်နှင့် ငါးနှစ်အထက် နဂါးမောက်ခြံများတွင် ၁၀-တန်မက ထွက်ရှိနိုင်ပါသည်။ အစ္စရေး၊ မလေးရှားနှင့် ထိုင်ဝမ်နိုင်ငံရှိ စီးပွားဖြစ် စိုက်ပျိုးခြံများတွင် တစ်ဟက်တာတွင် ၁၆၀၀၀-၂၇၀၀၀ ကီလိုဂရမ်ခန့် ထွက်ရှိပါသည်။ ကောင်းမွန်စွာ ဂရုတစိုက် စိုက်ပျိုးထားမှသာ အသီးအရွယ် အစားကြီးခြင်း၊ အရည်အသွေးမြင့်မား ခြင်း စသော အသီးများရပါမည်။ အသီး၏ အလေးချိန်မှာ ၃၅၀ဂရမ်မှ ၈၅၀ဂရမ်ခန့်ရှိပါမည်။ သီးညှပ်ခြွေခြင်းနှင့် မလိုလားအပ်သော ကိုင်းပယ်ခြင်းတို့သည် အသီးအရည်အသွေးအတွက် အရေးကြီးပါသည်။

နဂါးမောက်သီး ဆွတ်ခူးခြင်း

နဂါးမောက်သီး ရင့်မှည့်ချိန်သည် စိုက်ပျိုးရာအရပ်ဒေသ၏ ရာသီဥတုကို လိုက်၍ ပြောင်းလည်း ခြားနား တတ်ပါသည်။ ရင့်မှည့်ချိန်သည် အများအားဖြင့် ဇွန်လမှ ဒီဇင်ဘာလအတွင်း ရင့်မှည့်ကြပါသည်။ နဂါးမောက်သီး ကို ရင့်မှည့်ချိန်လိုက်၍ ဆွတ်ခူးခြင်း၊ ရွေးချယ်ခွဲခြားခြင်း ပြုလုပ်ရပါသည်။ စာရေးသူ၏ နဂါးမောက်သီးခြံတွင် နေ့စဉ် အသီးဆွတ်ခူးခြင်း ပြုရပါသည်။ နဂါးမောက်သီးများကို ဆွတ်ခူးပြီးနောက် အေး၍ အရိပ်ရသော နေရာတွင် ထားရပါမည်။ နဂါးမောက်သီးသည် ဆွတ်ခူးပြီးနောက် ထပ်မံရင့်မှည့်ခြင်း မဖြစ်တော့သဖြင့် ရင့်မှည့်ပြီးမှသာ သို့မဟုတ် အချိုဓါတ်နှင့် အက်စစ်ဓါတ်အမြင့်ဆုံး အချိန်မှသာ ဆွတ်ခူးသင့်ပါသည်။ ရင့်မှည့်ပြီးသော နဂါးမောက် သီးသည် ပန်းနီရောင် ရှိပါသည်။ ပန်းပွင့်ချိန်မှစပြီး နဂါးမောက်သီးရင့်မှည့်ချိန်အထိ ရက်ပေါင်း ၄၀မှ ၅၀ ကြာပါ သည်။ နဂါးမောက်သီးကို ရက်၅၀ ခန့်အထိ ထားပါက ပို၍ အရသာရှိသော ချိုသော အရသာရှိပါသည်။ သို့သော် အမှည့်လွန် နဂါးမောက်သီးသည် ရေရှည်ထားသို၍ မရပါ။ ထို့ကြောင့် နဂါးမောက်သီး ဆွပ်ခူးခြင်းသည် သင့်တော် သော မှန်ကန်သော အချိန်ဖြစ်ရန် အရေးကြီးပါသည်။

ပြီးပါပြီ။

(http://greenwaymyanmar.org/article/774)

ဦးကျော်နိုင် BE. Mech, PE (Myanmar Engineering Council )

နွေရာသီ Vocational Training နည်းပညာသင်တန်းများ
& Red Pitaya Wine
အမှတ် စ၂ (၇၁ x ၇၂) ရပ်ကွက်ကြီး ၁၀
ရတနာလမ်း နှင့် သိင်္ဂီလမ်းအကြား
ကားကြီးကွင်းအနီး
ပဒေသာမြို့သစ်
ပြင်ဦးလွင်မြို့

References:
Dragon Fruit by H. P. M Gunasena , Department of Crop Science, Faculty of Agriculture, University of Peradeniya, Sri Lanka